“Azercell Telekom” MMC Şuşada öz ilk Eksklüziv ofisini açmağa hazırlaşır. Bu haqda martın 14-də qurumdan APA-ya məlumat verilib.
Şuşaya səfər edən və orada çalışan abunəçilərə xidmət göstərilməsi üçün şəhərin Aslan Qaraşərov küçəsi, 2 ünvanında ofis açılacaq. Bildirilib ki, eksklüziv tipli mağazaların özəlliyi ofisdə açıq sahələrin mövcudluğu və seçim imkanlarının olmasındadır.
Qeyd edək ki, sözügedən mobil rabitə şirkəti işğaldan azad olunmuş ərazilərdə ilk mobil infrastrukturunu və dördüncü nəsil LTE radio baza stansiyalarını qurub.
