“Azpetrol” şirkəti, strateji inkişaf planına uyğun olaraq, işğaldan azad olunmuş ərazilərdə 2-ci, respublika üzrə isə 96-cı yanacaqdoldurma məntəqəsini (YDM) istismara verib. Bu barədə Report məlumat verib.
Növbəti səyyar (modul) tipli YDM Hadrut qəsəbəsində yerləşir.
Burada "Aİ-92", "Premium" və "Dizel" yanacaq növlərinin satışı həyata keçiriləcək. YDM ərazisində 5 yeni iş yeri yaradılıb. Zəngilanın Ağalı kəndi ərazisində avqust ayından fəaliyyət göstərən YDM-in işçilərini nəzərə alsaq, “Azpetrol” şirkəti Qarabağ ərazisində artıq 10 daimi iş yerinin açılmasını təmin edib.
“Azpetrol” şirkətinin ilk YDM-i - “Spartak”, 1997-ci il iyulun 15-də Bakı şəhəri, Nəsimi rayonu, Moskva prospekti, 1013-cü məhəllədə açılıb.
