Bakının Xəzər rayonunda bir neçə narkotacir ifşa edilib. Nəticədə 11 kiloqram narkotik dövriyyədən çıxarılıb. Bu barədə 14 mart tarixində Daxili İşlər Nazirliyi məlumat yayıb.
Belə ki, əməliyyat zamanı Zirə qəsəbəsində yaşayan şəxs saxlanılıb. Onun evinin həyətindəki istixanada ümumi çəkisi 10 kiloqram olan heroin, marixuana və metamfetamin aşkar edilib. O, bu məhsulları xaricdə yaşayan narkotacirlərdən onlayn yolla Zirə və ətraf qəsəbələrdə satmaq məqsədilə əldə etdiyini bildirib.
Türkan qəsəbəsində həyata keçirdikləri digər bir əməliyyat zamanı narkotikləri satan digər şəxs tutulub. Onun üzərinə və evinə baxış keçirilən zaman 1 kiloqramdan artıq heroin tapılıb.
Faktlarla bağlı cinayət işləri başlanılıb.
