Dekabrın 7-də Bakının Sabunçu rayonunda 8 mənzildən oğurluq etməkdə şübhəli bilinən əvvəllər də məhkum olunmuş Astara, Biləsuvar və Göygöl rayon sakinləri saxlanılıb. Bu barədə DİN məlumat verib.
Oktyabrın 2-dən 8-dək bir evdən 8 500 manat dəyərində spirtli içki, qızıl-zinət, geyim və məişət əşyaları, digər evdən isə 1 500 manat dəyərində qızıl-zinət əşyaları oğurlanıb.
Həmçinin Astara sakininin iki evdən 2 500 manat pul və 3 550 manatlıq qızıl-zinət əşyaları oğurladığı müəyyənləşdirilib.
Biləsuvar və Göygöl sakinlərinin isə birgə üç evdən ümumilikdə 1 100 manat pul və 8 700 manat dəyərində qızıl-zinət əşyaları oğurladıqları aşkarlanıb.
Şübhəli bilinən şəxslər törətdikləri əməllərini etiraf ediblər.
Faktla bağlı araşdırma davam edir.
