Bakıda və Sumqayıtda avtomobil piyadanı vuraraq öldürüb. Bu barədə martın 14-də Report-a DİN-dən məlumat verilib.
Martın 13-də saat 18 radələrində Binəqədi rayonu ərazisində X. Davıdov “Volkswagen” markalı avtomobillə yolu keçən Mətləb Səfərovu vurub. Nəticədə piyada xəstəxanaya aparılarkən yolda ölüb.
Sumqayıtda isə martın 13-də saat 20 radələrində şəhər ərazisində E. Bəkirov “Mercedes” markalı avtomobillə yolu keçən 30-35 yaşlı qadını vurub. Nəticədə piyada xəstəxanaya aparılarkən yolda ölüb.
Faktlarla bağlı araşdırma aparılır.
