Xəzər dənizinin Bakı və Sumqayıt şəhərləri akvatoriyasında qanunsuz balıq ovlayan Yevlax rayon sakini və Sumqayıt şəhər sakinlərindən istifadəsi qadağan olunmuş ov alətləri götürülüb. Bu barədə 15 mart tarixində Ekologiya və Təbii Sərvətlər Nazirliyi məlumat verib.
Məlumatda bildirilib ki, ayrı-ayrı inzibati rayonların ərazilərindəki su hövzələrində keçirilən nəzarət tədbirləri zamanı ümumilikdə 525 metr uzunluğunda sintetik tor yığışdırılıb. Həmçinin ov qaydalarını pozduğuna görə Biləsuvar rayon sakini saxlanılıb.
Faktlarla bağlı qanun pozucuları barəsində protokol tərtib olunub və qanunamüvafiq tədbirlər görülüb.
