Bakı, Beyləqan, Bərdə və Sabirabadda yanğınlar baş verib. Bu barədə mayın 25-də Fövqəladə Hallar Nazirliyindən məlumat verilib.
Paytaxtın Nərimanov rayonunda ümumi sahəsi 80 m² olan birmərtəbəli obyektin (təkər təmiri sexi və dönərxana) yanar konstruksiyaları və içərisindəki əşyalar yanıb.
Beyləqan rayonunun Gödəklər kəndində “Shacman” markalı yük avtomobilinin mühərrik hissəsi və kabinəsi yanıb.
Bərdədə ümumi sahəsi 48 m² olan birmərtəbəli evin yanar konstruksiyaları 20 m² sahədə yanıb.
Sabirabad rayonunun Ulacalı kəndində sahəsi 50 m² olan tövlənin və sahəsi 40 m² olan talvarın yanar konstruksiyaları yanıb.
Bütün yanğınlar yanğından mühafizə bölmələri tərəfindən söndürülüb.
