Bu gün, iyunun 1-dən Bakı Enerji Həftəsi öz işinə başlayıb.
Tədbir “Xəzər Neft və Qaz” Sərgisi, “Energetika və Bərpa Olunan Enerji” Sərgisi və Bakı Enerji Forumundan ibarət olacaq.
Burada dünyanın 250-dən çox şirkətinin energetika sənayesinin liderləri bir araya gələcək. İştirakçıların siyahısına Almaniya, ABŞ, Belarus, Böyük Britaniya, Çin, Fransa, Gürcüstan, Hindistan, İsveçrə, İtaliya və digər ölkələrin şirkətləri daxildir.
Hər iki sərgi Bakı Ekspo mərkəzində baş tutacaq, forum isə Bakı Konqres Mərkəzində keçiriləcək. Tədbirlər iyunun 3-dək davam edəcək.
Reportun verdiyi məlumata əsasən, iyunun 4-də Şuşa şəhərində Bakı Enerji Forumunun iştirakçıları ilə sessiya keçiriləcək.
