İyunun 25-dən etibarən Bakı–Füzuli–Bakı avtobus marşrutu istifadəyə verilir. Bu haqda iyunun 15-də Rəqəmsal İnkişaf və Nəqliyyat Nazirliyindən xəbər verilib.
Reyslər həftədə bir dəfə olmaqla, şənbə günləri təşkil ediləcək.
Sərnişinlər Merdinli kənd məscidi, Füzuli şəhər mərkəzi və Füzuli Beynəlxalq Hava Limanını ziyarət edə biləcəklər. Həmçinin İbə piri, Qaraməmmədli bulağı, Qarğabazar Karvansaray kompleksi və Dövlətyarlı kəndinə də (Ağıllı kənd) getmək mümkün olacaq.
Səfərə qatılmaq istəyənlər iyunun 17-dən etibarən www.yolumuzqarabaga.az saytı vasitəsilə bilet ala bilərlər.
Vətən müharibəsi qəhrəmanları, Milli qəhrəmanlar, şəhid ailəsi üzvləri və Qarabağ müharibəsi əlilləri üçün biletlər pulsuzdur.
