Bakıda İslam Əməkdaşlıq Təşkilatının (İƏT) Turizm Nazirlərinin 11-ci konfransı keçirilir. Bu barədə iyunun 27-də Dövlət Turizm Agentliyindən məlumat verilib.
Konfransda 39 ölkədən 160-dan çox nümayəndə iştirak edir.
Tədbirdə üzv ölkələrdə turizm infrastruktur layihələri, birgə turizm tədqiqatları və təbliğat tədbirləri, turizm sərgiləri üzrə əməkdaşlıq, İslam mədəniyyəti və irsi üzrə turizmin inkişafı kimi məsələlər müzakirə olunur.
İştirakçıların iyunun 29-da Şuşaya səfəri planlaşdırılır.
İƏT-yə üzv ölkələrin Turizm Nazirlərinin 10-cu konfransı 2018-ci ildə Banqladeş Respublikasının Dəkkə şəhərində keçirilmişdi. Daha əvvəl Azərbaycan 2006-cı ildə 5-ci konfransa ev sahibliyi etmişdi.
