Bakı sakini oğurlanıb, buraxılması üçün 500 manat tələb olunub. Bu barədə 4 iyul tarixində Report Daxili İşlər Nazirliyinə istinadən məlumat verib
Məlumata əsasən, Bakı şəhər sakini Polis Şöbəsinə qardaşının cinayət törətdiyi və buraxılması müqabilində ondan 500 manat pul tələb edildiyi barədə iyulun 3-də mobil telefonuna mesaj yazıldığını bildirib.
Bildirilib ki, polis əməkdaşlarının keçirtdiyi axtarışlar nəticəsində müraciət edən şəxsin qardaşının Ağstafa rayon sakini və əvvəllər məhkum olunmuş Cəbrayıl rayon sakini tərəfindən oğurlanması müəyyən olunub. Nəticədə onlar saxlanılıblar.
Faktla bağlı “adam oğurluğu” maddəsilə cinayət işi başlanılıb. Araşdırma aparılır.
