DİN-in Nəqliyyatı İntellektual İdarəetmə Mərkəzi paytaxt yollarındakı son vəziyyətlə bağlı məlumat yayıb. Bu barədə mayın 16-da Report-a Mərkəzdən bildirilib.
Sıxlıq müşahidə olunan yollar:
- Bakı – Sumqayıt şosesində – Xırdalan dairəsi istiqamətindən başlayaraq, Bakı Beynəlxalq Avtovağzal Kompleksinin qarşısına qədər, 20 Yanvar dairəsi istiqamətində.
- Moskva prospektində, əsas yolda, 20 Yanvar dairəsi istiqamətində.
- Ziya Bünyadov prospektinin, Bakı Olimpiya stadionunun qarşısından başlayaraq, Çermet yol ötürücüsü üzərindən DİN Hospitalın qarşısına qədər olan hissəyə qədər - əsas yolda, 20 Yanvar dairəsi istiqamətində.
- Alı Mustafayev küçəsində - əsas yolda, Ziya Bünyadov prospekti istiqamətində.
- Afiyəddin Cəlilov küçəsində, əsasən, Fəzayıl Bayramov küçəsi ilə kəsişmədən Cavanşir körpüsünün üzəri istiqamətində.
- Üzeyir Hacıbəyli küçəsində, Cavanşir körpüsünün üzərindən Kövkəb Səfərəliyeva küçəsi ilə kəsişməyə qədər, Hökumət Evi istiqamətində.
- Böyükşor şosesində, Heydər Əliyev prospekti istiqamətində.
- Heydər Əliyev prospekti – əsas yol və köməkçi yolda, Koroğlu metro stansiyasının qarşısında, şəhər istiqamətində.
- Yusif Səfərov küçəsində Afiyəddin Cəlilov küçəsi ilə kəsişmədən başlayaraq, Heydər Əliyev prospekti istiqamətində. Səbəb isə yol - nəqliyyat hadisəsidir.
- 28 May küçəsinin Azadlıq prospekti ilə kəsişməsindən başlayaraq, Rəşid Behbudov küçəsi ilə kəsişməyə qədər, Bülbül prospekti istiqamətində.
- Həsən bəy Zərdabi prospektinin 20 Yanvar dairəsinə düşən hissəsində və Qələbə dairəsi istiqamətində.
