Bakıda 18 il əvvəl törədilən qətlin üstü açılıb. Bu barədə mayın 11-də Baş Prokurorluq xəbər verib.
18 il əvvəl paytaxtın Yasamal rayon sakinləri 1947-ci il təvəllüdlü Rəhilə Cəlilova və nəvəsi 1989-cu il təvəllüdlü Aygün Əzizova birgə yaşadıqları mənzildə qəsdən öldürülüblər.
Anar Ağalarov təqsirləndirilən şəxs qismində istintaqa cəlb edilib. Cinayətin törədilməsində iştirak etmiş daha bir şəxs tutularaq istintaqa cəlb edilib.
Belə ki, Anar Ağalarov xalası oğlanları - mərhum Teymur Məmmədov və Fərid Məmmədli ilə qabaqcadan əlbir olaraq Rəhilə Cəlilovanın 10 min dollar pulunu ələ keçirmək istəyiblər. Onlar qadının mənzilinə daxil olaraq R. Cəlilova və A. Əzizovanı öldürüblər.
Hazırda istintaq davam edir.
