Bu gün Bakı Ekspo Mərkəzində 15-ci Azərbaycan Beynəlxalq Kənd Təsərrüfatı (Caspian Agro) və 27-ci Azərbaycan Beynəlxalq Qida Sənayesi (InterFood Azerbaijan) sərgiləri işə başlayıb. Bu barədə 18 may tarixində Kənd Təsərrüfatı Nazirliyinin rəsmi səhifəsində məlumat verilib.
Məlumata əsasən, builki sərgilərdə 101 yerli, 348 xarici şirkət olmaqla, ümumilikdə 24 ölkədən 449 şirkət iştirak edir. Bu il “Caspian Agro” sərgisi ağıllı kənd, süni intellekt, İT xidmətləri, pilotsuz uçuş aparatları (dronlar) kimi bölmələri əhatə edən “Smart Agro” istiqamətini təqdim edir. Bu il 40-a yaxın rayondan fermerlər üçün sərgi üzrə turlar təşkil olunub. Sərgilərdə, həmçinin qida sənayesi və kənd təsərrüfatı sahələrində fəaliyyət göstərən mikro və kiçik sahibkarlıq subyektləri öz məhsul və xidmətlərini təqdim edirlər.
Qeyd edək ki, sərgilər mayın 20-dək davam edəcək.
[URIS id=49000]
