Azərbaycanın kiberidman təşkilatı “Cyber Athletics Azerbaijan” “FIFA 2023” üzrə çempionatın seçim mərhələsinə başlayıb, qeydiyyatdan keçən ən gənc oyunçunun dörd yaşı var.
Bu barədə İnsanoid bu gün, 8 sentyabr tarixində Oxu.az-a istinadən xəbər verir.
Turnirdə yaş limiti yoxdur və qeydiyyatdan keçmiş ən gənc oyunçunun dörd yaşı var. Birinciliyin əsas məqsədi gənc nəsildə virtual idmana maraq aşılamaq və valideynlərə kiberidmanın perspektivlərini nümayiş etdirməkdir.
Seçim mərhələləri 24 sentyabradək hər həftəsonu keçiriləcək. Finalda isə ən güclü oyunçular 4 000 manat dəyərində mükafat fondu uğrunda mübarizə aparacaqlar.
Birinciliyə “ITicket.az” saytı vasitəsilə keçirilən qeydiyyat hələ də davam etməkdədir.
