Bakıda 26 yaşlı qadın həyat yoldaşı tərəfindən bıçaqlanıb. Bu haqda iyunun 4-də Baş Prokurorluq məlumat yayıb.
İnsident Nəsimi rayonunda yerləşən “Citadel” hoteldə baş verib. Zərərçəkmişin əri aralarında yaranmış münaqişə zamanı bıçaqla ona çoxsaylı xəsarətlər yetirib.
Faktla bağlı “qəsdən adam öldürməyə cəhd” maddəsi ilə cinayət işi başlanıb. Həmin şəxs saxlanılaraq istintaqa cəlb edilib.
2021-ci il ərzində 1 499 cinayət hadisəsi məişət zorakılığı ilə bağlı olub. Nəticədə 1 536 nəfər zərər çəkib. Onların 79%-ini qadınlar təşkil edib.
