Bakının mərkəzindəki əksər hotellərdə qiymət artımı müşahidə edilir. Azərbaycan Hotellər və Restoranlar Assosiasiyasının İdarə Heyəti sədrinin iyunun 7-də Trend-ə verdiyi məlumata görə, bu, Formula 1 yarışları ilə əlaqədardır.
“Belə yarışlarda hotellərin qiymətinin bahalaşması təbiidir. Bu, bütün dünyada belədir”, - deyə sədr bildirib.
Bildirilib ki, yarışın keçiriləcəyi yolun üzərində və yaxınlığında yerləşən hotellərdə yer, demək olar ki, yoxdur. Şəhərin mərkəzində və İçərişəhərdə yerləşən bəzi hotellər isə adi günlərdəki qiymətlərdən fərqli olaraq yarış günlərinə olan qiymətləri on dəfəyədək qaldırıb.
Qeyd edək ki, Formula 1 Azərbaycan Qran Prisi 10-12 iyun tarixlərində Bakıda baş tutacaq.
