Bakı Buxtasında körpə balıqları xüsusi alətlərlə ovlayan şəxslər saxlanılıb. Bu haqda iyunun 23-də Daxili İşlər Nazirliyi məlumat yayıb.
Belə ki, onların qayıqlarına baxış zamanı 161 ədəd müxtəlif növ körpə balıq və ləvazimatlar aşkar olunaraq götürülüb. Həmin vətəndaşlarla söhbət aparılıb və körpə balıqların ovlanmasının qadağan edildiyi barədə məlumat verilib.
Qeyd edilib ki, həvəskar balıqçılıqla məşğul olanlar yalnız 5 kiloqrama qədər balıq tuta bilərlər. Lakin bəziləri həvəskar balıqçı adı altında ovla məşğul olurlar və onları restoranlarda və mağazalarda qanunsuz olaraq satırlar. Bu isə bəzi balıq növlərinin nəslinin kəsilməsi ilə nəticələnə bilər.
