Nəqliyyatı İntellektual İdarəetmə Mərkəzi paytaxt yollarındakı son vəziyyətlə bağlı məlumat yayıb. Bu barədə iyunun 2-də Report bildirib.
Hazırda aşağıdakı paytaxt yollarında sıxlıq müşahidə edilir:
- Bakı-Sumqayıt şosesi – Xocəsən yolu ilə kəsişmədən Bakı Beynəlxalq Avtovağzalın qarşısına qədər;
- Moskva prospekti - Bakı Beynəlxalq Avtovağzalın qarşısından 20 Yanvar dairəsinə qədər , əsas və kənar yol;
- Binəqədi şosesi - mərkəz - "Azadlıq prospekti" metrostansiyası istiqamətində, Biləcəri-"Baksol" yolu ilə kəsişməyədək;
- Rövşən Mustafayev küçəsi - 20 Yanvar dairəsindən başlayaraq əsas yolda, Ziya Bünyadov prospekti istiqamətində;
- Tbilisi prospekti - 20 Yanvar dairəsi istiqamətindən başlayaraq Abdulvahab Salamzadə küçəsi ilə kəsişməsinə qədər, şəhər istiqamətində;
- Ziya Bünyadov prospekti - Olimpiya stadionunun yanından Atatürk prospekti ilə kəsişməyə qədər əsas yolda, 20 Yanvar dairəsi istiqamətində;
- Abdulvahab Salamzadə küçəsi - Qələbə dairəsindən başlayaraq Ziya Bünyadov prospekti ilə kəsişməyə qədər;
- Həsən bəy Zərdabi prospekti – Məhəmməd Xiyabani küçəsi ilə kəsişmədən 20 Yanvar dairəsinə qədər;
- Aeroport şosesi – Yeni Ramana yolu ilə kəsişən hissədən mərkəz istiqamətində, Heydər Əliyev prospekti ilə kəsişməyədək;
- Heydər Əliyev prospekti - "Koroğlu" metrostansiyasının qarşısından 5 saylı Asan xidmət mərkəzinin qarşısına qədər əsas yolda və Bağırov körpüsündən Heydər Əliyev Mərkəzinin yanına qədər kənar yolda;
- Xətai prospekti – Tələt Şıxəliyev küçəsi ilə kəsişmədən Heydər Əliyev prospekti ilə kəsişməyə qədər;
- Yusif Səfərov küçəsi - Xocalı prospekti ilə kəsişməsindən başlayaraq Heydər Əliyev prospekti istiqamətində;
- Üzeyir Hacıbəyli küçəsi – Cavanşir körpüsünün üstü;
- Rəşid Behbudov küçəsi – Zərifə Əliyeva küçəsi ilə kəsişməsindən, Mərkəzi Bankın qarşısına qədər;
- 28 May küçəsi – R.Zorge küçəsi ilə kəsişmədən Rəşid Behbudov küçəsi ilə kəsişməyədək;
- Dilarə Əliyeva küçəsi - Puşkin küçəsi ilə kəsişmədən Rəşid Behbudov küçəsi ilə kəsişməyədək.
