İyunun 16-18-i tarixlərində Bakı şəhərində yerli məhsulların və xidmətlərin tanıdılması məqsədi ilə “Partners and Business” sərgisi və konfransı baş tutacaq. Bu barədə 6 may tarixində Report məlumat verib.
Sərginin məqsədi Azərbaycan şirkətlərinin daha geniş tanıdılması və bazarlara çıxış imkanlarının genişləndirilməsidir.
Məlumata əsasən, sərgi “Kristal Hall”un zalında keçiriləcək. Bildirilib ki, təşkil olunacaq sərgidə sənaye, kənd təsərrüfatı, qida, İKT, təhsil, inşaat, logistika və s. sahələrdə yerli şirkətlər tərəfindən idxal və istehsal olunan məhsul və xidmətlər təqdim olunacaq.
Qeyd olunub ki, ümumilikdə sərgidə 200-ə yaxın şirkətin və 10 min ziyarətçinin iştirakı nəzərdə tutulur.
