Bakıda küçədə valideyni tərəfindən tərk edilmiş dörd uşaq tapılıb. Bu barədə İnsanoid Oxu.az-a istinadən bu gün, 3 iyul tarixində xəbər verir.
Azərbaycan Uşaqlar Birliyi-Uşaq Sığınacağı Reinteqrasiya Mərkəzinin təsisçisi Kəmalə Ağazadə özünün sosial şəbəkə hesabında bildirib ki, uşaqları üç gün öncə Nizami Rayon Polis İdarəsinin (RPİ) 23-cü Polis Bölməsinin əməkdaşları tapıblar.
O əlavə edib ki, həkim müayinəsi zamanı uşaqların dördündə də qotur xəstəliyi təsbit edilib.
Uşaqlar dərhal Respublika Dəri-Zöhrəvi Dispanserinə yerləşdiriliblər.
Daxili İşlər Nazirliyinin (DİN) Mətbuat Xidmətinin baş inspektoru polis leytenantı Elbrus İbrahimovun məlumatına əsasən, qadının kimliyi müəyyən olunub.
O bildirib ki, müəyyən səbəblərdən adı açıqlanmayan qadın aidiyyəti dövlət orqanına dəvət olunub:
"Onun izahatı alınıb. Övladlarından imtina etməsinin səbəbləri araşdırılır".
