Bakının Sabunçu rayonunda qardaş bacısını "WhatsApp"a görə bıçaqlayıb. Bu haqda oktyabrın 18-də 1news.az xəbər yayıb.
Belə ki, 1986-cı il təvəllüdlü Əhmədova Şəhanə həyat yoldaşı ilə birgə evə gələrkən qardaşı onları qarşılayıb. Daha sonra Şəhanənin qardaşı bıçaqla onun kürəyinə iki bıçaq zərbəsi vurub.
Əri mübahisənin qarşısını almaq istəyərkən qardaş bildirib ki, o, bacısının "WhatsApp"ın hekayə bölməsində etdiyi paylaşımına görə bu əməli törədib. Paylaşımın nə haqda olması hələlik məlum deyil.
Qadın 3 saylı xəstəxananın reanimasiya şöbəsinə yerləşdirilib.
