Yaxın günlərdə Bakıda Qoşulmama Hərəkatının Parlament Şəbəkəsi təsis ediləcək. Bu haqda iyunun 27-də Prezident İlham Əliyev İslam Əməkdaşlıq Təşkilatının (İƏT) Baş katibi Hissein Brahim Tahanı qəbul edərkən bildirib.
Məlumata görə, Azərbaycan Qoşulmama Hərəkatının bir çox üzv ölkələri ilə sıx əməkdaşlıq edir.
Görüşdə ölkələr arasında həmrəyliyin önəmi və islamofobiyanın qarşısının alınması istiqamətində birgə fəaliyyətin aparılmasının vacibliyi müzakirə olunub.
Prezident İlham Əliyev işğaldan azad edilmiş ərazilərimizdə aparılan yenidənqurma işlərindən, həmçinin dini abidələrin bərpası istiqamətində görülən işlərdən məlumat paylaşıb.
Eyni zamanda dövlət başçısı İkinci Qarabağ müharibəsi və postmüharibə zamanı İƏT-nin Azərbaycanın ərazi bütövlüyünü dəstəkləməsini yüksək qiymətləndirdiyini söyləyib.
