Sabah Bakının Qaradağ rayonunun bir hissəsinin təbii qazla təchizatında müvəqqəti fasilə yaranacaq. Bu barədə 4 iyul tarixində Report “Azəriqaz” İstehsalat Birliyinə istinadən məlumat verib.
Məlumata əsasən, iyulun 5-i saat 08:00-dan işlər başa çatana qədər “Səngəçal”, “Sement zavod” Qaz Paylayıcı Stansiyalarının və magistral qaz kəmərindən qidalanan “Gips zavodu” ölçü qovşağının qaz təchizatı dayandırılacaq.
Bildirilib ki, təmir işləri aparılan müddətdə Qaradağ rayonu üzrə Sahil, Səngəçal, Umbakı, Əzimkənd qəsəbələrinin, Yol evləri, Bağ evləri və Stansiya Qaradağ ətrafı yaşayış massivlərinin qaz təchizatında müvəqqəti fasilə yaranacaq.
