Bakıda asayişi pozan şəxslə bağlı tədbir görülüb. Bu barədə İnsanoid Qafqazinfo-ya istinadən bu gün, 27 iyun tarixində xəbər verir.
Bir neçə gün əvvəl gecə saat 02:00 radələrində Yasamal rayonunun Moskva prospektində qadın geyimində olan kişi yolun hərəkət hissəsinə çıxaraq avtomobillərin hərəkətinə mane olub, ucadan səs-küy salıb.
Ərazidəki polis əməkdaşlarının tələbinə tabe olmayan həmin şəxs sərxoş halda müqavimət göstərib. Daha sonra saxlanılaraq Yasamal RPİ-nin 29-cu Polis Şöbəsinə aparılan şəxsin 1976-cı il təvəllüdlü S.M. olması müəyyən edilib. Ekspertiza onun sərxoş olduğu barədə rəy verib.
Saxlanılan şəxs barəsində İnzibati Xətalar Məcəlləsinin 510 və 535-ci (Xırda xuliqanlıq və polisin qanuni tələbinə qəsdən tabe olmama) maddələri ilə protokol tərtib edilib.
Yasamal Rayon Məhkəməsinin qərarı ilə S.M 8 sutka həbs cəzası alıb.
