Beynəlxalq Şahmat Federasiyasının (FIDE) 100 illik yubileyinə həsr olunan “Baku Open 2024” Şahmat Festivalının açılış mərasimi keçirilib. Bu barədə İnsanoid Report-a istinadən bu gün, 29 iyun tarixində xəbər verir.
Gənclər və İdman Nazirliyi və Azərbaycan Şahmat Federasiyasının (AŞF) birgə təşkilatçılığı ilə təşkil edilən yarışın açılış mərasimi Dövlət Himninin səsləndirilməsi ilə start götürüb.
Ardınca Azərbaycanla bağlı videoçarx nümayiş olunub.
Açılış mərasimində gənclər və idman naziri Fərid Qayıbov çıxış edib. Ardınca AŞF-nin prezidenti Mahir Məmmədov çıxış edərək, Bakı İdman Sarayına gələn hər kəsi görməkdən məmnun olduğunu bildirib.
Daha sonra FIDE prezidenti Arkadi Dvorkoviç nitq söyləyib.
Rəsmi çıxışlardan sonra FIDE prezidenti Arkadi Dvorkoviç tərəfindən gənclər və idman naziri Fərid Qayıbova və AŞF-nin prezidenti Mahir Məmmədova hədiyyələr təqdim olunub.
