Bakının Binəqədi rayonunun Binəqədi qəsəbəsində yerləşən “Binəqədi Çörək” MMC-yə məxsus çörək istehsalı sahəsində yoxlama aparılıb. Bu barədə İnsanoid Fövqəladə Hallar Nazirliyinə (FHN) istinadən bu gün, 11 iyul tarixində məlumat verir.
Obyektdə yanğın təhlükəsizliyinin təmin edilməsi tədbirlərinin işlənib hazırlanmadığı, bəzi sahələrinin yanğınxəbərverici siqnalizasiya qurğusu ilə təmin olunmadığı və quraşdırılmış yanğınxəbərverici siqnalizasiya qurğusunun işlək vəziyyətdə olmadığı aşkar edilib.
Həmçinin obyektdə elektrik təsərrüfatı “Elektrik Qurğularının Quraşdırılması Qaydası”nın tələblərinə uyğun quraşdırılmayıb, obyektin yanğın su hovuzu ilə təmin edilmədiyi də məlum olub.
"Qeyd olunanları nəzərə alaraq, yanğın təhlükəsizliyi norma və qaydalarının tələblərinin kobud pozulması faktları aşkar edilmiş Binəqədi rayonunun Binəqədi qəsəbəsində yerləşən “Binəqədi Çörək” MMC-yə məxsus çörək istehsalı sahəsinin fəaliyyətinin dayandırılması barədə Qərar qəbul olunub və Qərarın bir nüsxəsi obyektin nümayəndəsinə təqdim edilib", - məlumatda qeyd edilib.
