Birinci Qarabağ müharibəsində itkin düşmüş, 32 ildən sonra dəfn yeri və kimliyi müəyyən edilən şəhid Cavadov Elman Xurşud oglunun qalıqları ailəsinə təhvil verilib. Bu barədə 28 iyun tarixində APA məlumat verib.
Şəhid Elman Cavadovla Sumqayıtda vida mərasimi keçirilib.
Şəhidin qalıqları Sumqayıt şəhər Şəhidlər xiyabanında dəfn olunub.
Şəhid Elman Cavadov 1973-cü ildə Sumqayıt şəhərində anadan olub. 3 nömrəli məktəbdə təhsil alıb. 1992-ci ildə həqiqi hərbi xidmətə cağırılıb.
1992-ci il iyulun 19-da Agdərənin Aterk kəndində itkin düşüb.
