İclasda bir neçə ölkə, xüsusən də Fransa, Almaniya, Malta və Afrikanın bir neçə ölkəsi əsassız ittihamlar səsləndiriblər.
BMT Təhlükəsizlik Şurasının iclasında Birləşmiş Krallıq, Birləşmiş Ştatlar və İsveçrənin nümayəndələri tərəfindən Qarabağda atəşkəsi və Yevlax şəhərində əldə olunan razılığı alqışlayıb və təqdirəlayiq olduğunu bildiriblər.
Birləşmiş Ştatların nümayəndəsi də Qarabağdakı hadisələrlə bağlı narahatlığını bildirib. Əməliyyatların dayandırılmasını müsbət qiymətləndirib. Nümayəndə qeyd edib ki, Azərbaycan mülki şəxslərin qorunmasının vacibliyini bildirib. O, həmçinin Qarabağdakı erməniəsilli şəxslərə çatdırılan humanitar yardımın vacibliyinə də toxunub.
Rusiya Federasiyasının nümayəndəsini birinci müavini Dmitri Polyanski baş verən hadisələr barəsində öz təəssüfünü bildirib. Qarabağda 21 sentyabr tarixində atəşkəsin əldə olunması, yerli əhali ilə Azərbaycan hökuməti arasında aparılan danışıqları uğurlu addım kimi qeyd edib.
Ceyhun Bayramov:
“Ermənistanın şuraya müraciəti Azərbaycanın öz ərazisində keçirdiyi antiterror əməliyyatla əlaqədardır. Ermənistanın Təhlükəsizlik Şurasına müraciəti Azərbaycanın beynəlxalq hüquq, o cümlədən beynəlxalq humanitar hüquqa tam uyğun şəkildə özünün suveren ərazisində icra etdiyi lokal antiterror tədbirləri ilə əlaqədardır. Buna görə də Ermənistanın Təhlükəsizlik Şurasına növbəti müraciəti BMT Nizamnaməsinin dövlətlərin suverenliyi və ərazi bütövlüyünə hörmət və onların daxili işlərinə qarışmamaq ilə bağlı tələblərinin açıq formada pozulmasıdır”.
Sadəcə 24 saat ərzində qanunsuz birliklərin 90-dan artıq postunun ələ keçirildiyini, 20 döyüş maşını, 40 artilleriya qurğusu, 30 minaatan, 6 elektromaqnetik döyüş sistemləri və 2 hava hücumundan müdafiə sisteminin zərərsizləşdirildiyini bildirən nazir deyib:
“Heç bir suveren dövlət öz ərazisində belə qanunsuz hərbi mövcudluğu qəbul edə bilməz. Azərbaycan da bunu edə bilməz.
Etnik erməni sakinlər bizim sülhsevər birgəyaşayış modelimizin bir hissəsi olmağa dəvətlidir. Eyni zamanda, Azərbaycan, bütün dövlətlərin beynəlxalq hüquq çərçivəsində digər dövlətlərin daxili işlərinə qarışmamaq, milli azlıqlara mənsub şəxslərin inteqrasiyası istiqamətində göstərilən səylərə zərbə vurmamaq və qonşu dövlətlərin ərazisində separatizmi qızışdırmamaq barədə öhdəliyi olduğunu xatırladır. Azərbaycan, bölgədə sülh, sabitlik və rifahda səmimi marağı olan bütün beynəlxalq tərəfdaşlarla konstruktiv əlaqəyə açıqdır”.
[caption id="attachment_131777" align="alignnone" width="696"]
Foto açıq mənbədən[/caption]
Türkiyənin xarici işlər nazirinin müavini Burak Akçapar : Sülh prosesinin Ermənistanla birgə əldə olunması vacibdir. Davamlı şəkildə yalan yanlış məlumatlar yayaraq sülh və sabitliyin qurulması mümkün deyil. O, əlavə edib ki, hər kəsin bildiyi kimi Qarabağ Azərbaycan ərazisidir, bunun başqa statusu qəbulolunmazdır.
BMT Təhlükəsizlik Şurasının iclasında Qarabağdakı antiterror tədbirləri müzakirə olunur 23:32
Azərbaycanın Qarabağda keçirdiyi antiterror tədbirləri BMT Təhlükəsizlik Şurasının iclasında müzakirə olunub. Bu barədə İnsanoid bu gün, 21 sentyabr tarixində xəbər verir.
İclasda Azərbaycanın xarici işlər naziri Ceyhun Bayramov da iştirak edib.
