Kliniki Tibbi Mərkəzin Toksikologiya şöbəsinin müdiri bildirib ki, zəhərlənmənin səbəbi hələ tam bəlli deyil: "Lakin market ərazisində propan qazı ilə hansısa iş görüldüyü deyilir. İş aparan fəhlələrə heç nə olmayıb. Marketin işçiləri qaz iyini hiss ediblər və yüngül şikayətləri olub - ürəkbulanma, baş ağrısı və s. Heç kimin həyatı üçün təhlükə yaradacaq ciddi zəhərlənmə olmayıb"
***
10:38
TƏBİB-dən APA-ya verilən məlumata görə, 14 nəfərə yerində tibbi yardım göstərilib, 14 nəfər isə Kliniki Tibbi Mərkəzin Toksikologiya şöbəsinə hospitalizasiya olunub.
***
10:30
Bakıda marketdə 28 nəfər zəhərlənib. Bu barədə 4 iyul tarixində APA məlumat verib.
Məlumata əsasən, hadisə Nəsimi rayonu, Səməd Vurğun küçəsində yerləşən "Bolmart" supermarketində baş verib. Bildirilib ki, vəziyyətləri ağır olanlar xəstəxanaya yerləşdiriliblər.
Faktla bağlı araşdırma aparılır.
