BP şirkəti Petronas şirkətinin Şahdəniz yatağındakı 1,16%-lik payını almağa qərara gəlib. Bu barədə 9 dekabr tarixində İqtisadiyyat Nazirliyinin Telegram kanalında məlumat verilib.
Sözügedən iştirak payı BP-yə 168 milyon dollara satılacaq. Bu məbləğ Petronas şirkəti ilə razılaşdırılıb. Beləliklə layihədə BP-nin iştirak payı 29,9%-ə yüksələcək. Bu sövdələşmənin 2022-ci ilin yanvar ayının sonunadək başa çatacağı gözlənilir.
Bundan öncə, cari ilin oktyabr ayında Lukoil şirkəti Petronas-ın Şahdəniz yatağındakı 15,5%-lik payını 2,25 milyard dollara almışdır.
Şahdəniz qaz-kondensat yatağı 1999-cu ildə kəşf edilib. Layihədə BP-nin 28,8%, Lukoil-in 25,5%, TPAO-nun 19%, SOCAR-ın 10%, NİCO-nun 10%, SGC-nin isə 6,7% payı var. Yataq 2006-cı ildən istismar olunur. 2021-ci ilin 1 avqust tarixinədək yataqdan 147 milyard kub metrə yaxın qaz və 32 milyon tondan çox kondensat hasil edilib.
