Peşə liseylərinin tədrisi dövlət dilindən fərqli dildə olan bölmələrinin şagirdləri üçün Azərbaycan dili imtahanı keçirilib. Bu haqda 14 mart tarixində Dövlət İmtahan Mərkəzi məlumat yayıb.
Saat 11:00-da başlayan imtahan 1 saat 30 dəqiqə davam edib və yalnız Bakıda keçirilib. Şagirdlərə 30 tapşırıq təqdim olunub. Səhv cavablar yekun bala təsir göstərmir.
Bu imtahanın nəticəsi şagirdin yekun attestasiya sənədinə yazılacaq. Nəticələr 4 gün ərzində elan ediləcək. Ali və ya orta ixtisas təhsili müəssisələrinə qəbul olmaq üçün abituriyentlərin nisbi balı ən az 50 olmalıdır.
