Bu gün, iyunun 4-də I ixtisas qrupu üzrə ali təhsil müəssisələrinə qəbul imtahanı keçirilir. Bu haqda Dövlət İmtahan Mərkəzi tərəfindən məlumat verilib.
İmtahan saat 11:00-da başlayacaq və Bakı, Gəncə, Qazax, Ağstafa, Şəki, Bərdə, Göyçay, Sabirabad, Salyan, Lənkəran və Xaçmazda təşkil olunacaq.
İmtahanda 21 753 abituriyentin iştirakı nəzərdə tutulur. Abituriyentlərin 90%-i Azərbaycan, 10%-i isə rus bölməsinin məzunudur. İmtahan verənlərin 66% oğlan, 34%-isə qızdır. Ən yaşlı abituriyent 1962-ci ildən, ən gənci isə 2006-cı ildəndir.
Abituriyentlər imtahana aşağıdakı sənədləri gətirməlidirlər:
- İmtahana buraxılış vərəqəsi;
- Şəxsiyyəti təsdiq edən sənədin əsli:
- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı.
