1918-ci ildə Azərbaycan Xalq Cümhuriyyəti Daxili İşlər Nazirliyinin tərkibində ilk polis orqanlarının təsis edildiyi gün məhz 2 iyul tarixi hesab edilir.
1998-ci ilədək hər il 6 iyun tarixi Azərbaycan Polisi Günü kimi qeyd edilib. 1992-ci ilin iyunun 6-da Azərbaycanın daxili işlər orqanları sistemindəki “milis” “polis” adlandırılıb və həmin tarix hər il Azərbaycan Polisi Günü kimi qeyd edilib. 1998-ci ilin mayın 24-də isə 2 iyul Azərbaycan Polisi Günü elan edilib.
1988-ci ildə Ermənistan və Azərbaycan arasında olan münaqişədə ilk olaraq döyüşə yollananlar milis, sonrakı illərdə Daxili Qoşun hissələri olub. Bu döyüşlərdə 1 695 polis əməkdaşı və hərbi qulluqçu şəhidlik zirvəsinə ucalıb, 1 710 nəfər isə yaralanıb. Onlardan 67 nəfər “Azərbaycanın Milli Qəhrəmanı” adına, 1 143 nəfər müxtəlif orden və medallara layiq görülüb.
Müstəqilliyimizin sonrakı illərində ictimai təhlükəsizliyin təmin edilməsi vəzifəsini yerinə yetirərkən 99 polis əməkdaşı və hərbi qulluqçu həlak olub, 2 640 nəfər xəsarət alıb.
Qeyd edək ki, cari ilin iyulun 1-də Daxili İşlər Nazirliyinin bir sıra zabitinə polis general-mayoru rütbəsi verilib, bir qrup əməkdaşı isə “Vətən uğrunda” və “İgidliyə görə” medalları, “Vətənə xidmətə görə” ordeni ilə təltif edilib.
Mənbələr:
- https://azertag.az/xeber/2_iyul_Azerbaycanda_Polis_Gunudur-1176232
- https://aztv.az/az/news/342/2-iyul-azerbaycanda-polis-gunudur
- https://sputnik.az/20210702/Prezident-DN-in-mkdalarn-tltif-etdi---SYAHI-427364778.html
