XX əsrin sonlarında SSRİ-nin süquta uğraması ilə Azərbaycan xalqı XX yüzillikdə ikinci dəfə müstəqillik qazana bildi.
18 oktyabr 1991-ci ildə “Azərbaycan Respublikasının dövlət müstəqilliyi haqqında” Konstitusiya Aktı qəbul edilib. 29 dekabr 1991-ci ildə ümumxalq referendumunda əhalinin 95%-i səsvermədə iştirak edərək, ölkənin müstəqilliyinə səs verib.
1992-ci ilin may ayında Milli Məclis tərəfindən Azərbaycan Respublikasının Dövlət Himni, bir müddət sonra üçrəngli Bayraq, içində alov olan səkkizguşəli ulduz təsvirli Dövlət Gerbi təsdiq edilib.
Müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisi hesab edilir. Bu səbəbdən 15 oktyabr 2021-ci ildə 18 Oktyabr - Müstəqilliyin Bərpası Günü elan edilməsi haqda qərar qəbul edilib.
