Azərbaycan ordusunun 44 günlük Vətən müharibəsi dövründə göstərdiyi rəşadət sayəsində 20 oktyabr 2020-ci ildə Zəngilan şəhəri işğaldan azad edildi. Bu, Qarabağın ərazisində ordumuz tərəfindən işğaldan azad edilmiş üçüncü Azərbaycan şəhəridir.
Oktyabrın 20-də Zəngilan şəhəri ilə yanaşı, rayonun daha 6 kəndi - Havalı, Zərnəli, Məmmədbəyli, Həkəri, Şərifan, Muğanlı, Füzuli rayonunun Dördçinar, Kürdlər, Yuxarı Əbdürrəhmanlı, Qarğabazar, Aşağı Veysəlli, Yuxarı Aybasanlı kəndləri, Cəbrayıl rayonunun Safarşa, Həsənqaydı, Fuğanlı, İmambağı, Daş Veysəlli, Ağtəpə, Yarəhmədli kəndləri, Xocavənd rayonunun Ağcakənd, Mülküdərə, Daşbaşı, Günəşli, Çinarlı (əvvəllər Vəng) kəndləri erməni işğalçılarından təmizlənib.
2021-ci ildə Zəngilan rayonunda Beynəlxalq Hava Limanının təməli qoyulub.
Zəngilan rayonu 8 avqust 1930-cu ildə təşkil edilmişdir. Rayon 29 oktyabr 1993-cü ildə Ermənistan silahlı birləşmələri tərəfindən işğal edilmişdir.
Mənbələr:
