2022-ci ilin yanvar ayından bu günədək avtobus marşrutları ilə 8588 nəfər Şuşa və Ağdam şəhərlərini ziyarət edib. Ümumilikdə 200 reys həyata keçirilib. Bu barədə iyunun 22-də Dövlət Avtomobil Nəqliyyatı Xidmətindən məlumat verilib.
Sərnişinlərdən 5955-i Şuşaya səfər edib. Onlardan 3376 nəfər Bakı – Şuşa – Bakı, 2579 nəfər isə Əhmədbəyli – Şuşa – Əhmədbəyli reysi ilə gedib.
Ağdama isə ümumilikdə 2633 sərnişin səfər edib. Onlardan 1254 nəfər Bakı – Ağdam – Bakı, 1379 nəfər isə Bərdə – Ağdam – Bərdə reysi ilə gedib.
130 nəfər imtiyazlı şəxs (Vətən müharibəsi qəhrəmanları, Milli qəhrəmanlar, şəhid ailəsi üzvləri, Qarabağ müharibəsi əlilləri) işğaldan azad olunmuş ərazilərə ödənişsiz səfər edib.
Qeyd edək ki, azad olunan ərazilərə avtobus biletlərini “Yolumuz Qarabağa” portalı vasitəsilə əldə etmək olar.
