2022-ci ilin ilk 5 ayı ərzində Bakı Limanı vasitəsi ilə 21 046 konteyner aşırılıb. Bu da ötən ilin eyni dövrü ilə müqayisədə 22,1% artım deməkdir. Bu barədə 16 iyun tarixində "Bakı Beynəlxalq Dəniz Ticarət Limanı" QSC-nin mətbuat katibi Elmar Həbibliyə istinadən Report məlumat verib.
Onun sözlərinə görə, hesabat dövründə Bakı Limanı vasitəsi ilə quru yükün daşınmasında 23,7%-lik, vaqon daşınmasında 18,9%-lik, təkərli texnikaların daşınmasında isə 15,9%-lik artım qeydə alınıb.
Mətbuat katibi əlavə edib ki, bu il ərzində Çindən Avropa şəhərlərinə göndərilən bir neçə blok qatarı Azərbaycandan keçməklə Bakı Limanı vasitəsilə daşınıb.
