2022-ci il ərzində Azərbaycandan İtaliyaya qısa və uzunmüddətli müqavilələr üzrə 9,5 milyard kubmetr qaz ixracı planlaşdırılır. Bu barədə 1 iyun tarixində energetika naziri Pərviz Şahbazov İtaliyanın ekoloji keçid məsələləri üzrə nazir müavini Vannia Gava ilə görüşdə bildirib.
Görüş barədə nazir öz Twitter səhifəsində məlumat verib. O, həmçinin qeyd edib ki, görüşdə iki ölkə arasında enerji əməkdaşlığının təbii qaz və bərpa olunan enerji sahələrində inkişafı müzakirə edilib.
İtaliyanın ekoloji keçid məsələləri üzrə nazir müavini @VanniaGava ilə ?? və ?? arasında enerji əməkdaşlığının #TəbiiQaz və #BərpaOlunanEnerji sahələrində inkişafını müzakirə etdik. Bu il İtaliyaya qısa və uzunmüddətli müqavilələr üzrə 9.5 mlrd.m3 qaz ixracını planlaşdırırıq. pic.twitter.com/JqWGPhSWNP
— Parviz Shahbazov (@ParvizShahbazov) June 1, 2022
