Bu ilin ilk iki ayında 2046 nəfər əlilliyi olan şəxs 8,8 min reabilitasiya vasitəsi ilə təmin edilib. Bu barədə 14 mart tarixində Əmək və Əhalinin Sosial Müdafiəsi Nazirliyi məlumat verib.
Məlumata əsasən, 2020-ci ilin dekabr ayından etibarən Nazirlik tərəfindən müharibə əlillərinin yüksək texnologiyalı müasir 4-cü nəsil protezlə təminatına başlanıb. Cari ilin əvvəlindən də daha 17 müharibə əlilinə həmin protezlər təqdim edilib.
Qeyd olunub ki, Vətən müharibəsindən sonra müharibənin 187 iştirakçısı 197 ədəd, I Qarabağ müharibəsi əlilləri və Vətən müharibəsinə qədərki dövrdə hərbi səbəblərlə əlaqədar əliliyi müəyyən olunmuş 69 şəxs isə 74 ədəd yüksək texnologiyalı 4-cü nəsil protezlə təmin olunub.
Yanvar-fevral aylarında Agentliyin reabilitasiya müəssisələrində 3812 nəfərə reabilitasiya xidmətləri göstərilib.
