Bugün, dekabrın 28-də Azərbaycanda vəkillərin peşə bayramı qeyd olunur.
“Ölkədə 110-a yaxın vəkil bürosu fəaliyyət göstərir. Bugün 113 nəfər yeni namizəd and içərək vəkilliyə qəbul olunacaq. Bununla da Azərbaycandakı vəkillərin sayı 2132 nəfərə çatacaq”, - bunu dekabrın 28-də jurnalistlərə açıqlamasında Vəkillər Kollegiyasının sədri Anar Bağırov deyib.
Kollegiya sədri əlavə edib ki, 2021-ci ildə 30 minə yaxın vətəndaşa dövlət hesabına hüquqi yardım göstərilib.
Prezident İlham Əliyevin 2019-cu il dekabrın 25-də imzaladığı sərəncama əsasən, dekabrın 28-i vəkillərin peşə bayramı günü kimi təsis edilib.
