Cəbrayılda mina partlayışından xəsarət alan Azərbaycanın Minatəmizləmə Agentliyinin 4 əməkdaşı evə buraxılıb. Bu barədə iyunun 20-də agentlik məlumat yayıb.
Ələsgər Quliyev, Fərid Cəbrayıllı, Mahir Mustafayev və Samir Gözəlov bütün zəruri tibbi müayinələrdən keçirilərək evə buraxılıblar. Həkim nəzarətindən keçən hər bir əməkdaşın vəziyyəti qənaətbəxşdir.
Xatırladaq ki, iyunun 17-də Cəbrayılda mina partlayışı nəticəsində 7 nəfər xəsarət almışdı. 31 yaşlı Ruhin Vəliyevin sol ayağı topuq nahiyəsindən travmatik amputasiya olunmuşdu.
