Cəbrayıl rayonunun Cocuq Mərcanlı kəndində yerləşən suvenir istehsalı müəssisəsində 25 nəfər işlə təmin ediləcək. Bu barədə 20 may tarixində Kiçik və Orta Biznesin İnkişafı Agentliyinin rəsmi səhifəsində məlumat verilib.
Məlumata əsasən, 750 m2 ərazidə yerləşən müəssisənin 418 m2–i istehsal sahəsidir. Burada, əsasən, milli ornamentlərə əsaslanan hədiyyəlik saxsı qablar, kiçik ölçülü xalçalar, əl işləri və s. məhsullar istehsal olunacaq.
Qeyd edək ki, müəssisənin təqdimatı Azərbaycan və Türkiyə prezidentlərinin iştirakı ilə keçirilib.
