Cənub bölgəsində çay yığımına başlanılıb. Bu haqda 25 may tarixində Azərtac xəbər verib.
Bu il yazda havaların yağıntılı keçməsi çay yığımını bir qədər gecikdirib.
55 ilə yaxın çayçılıqla məşğul olan Lənkəran rayonunun Havzova kənd sakini, fermer Bəhrəm Kərimov bu il 10 ton çay yığmağı qarşıya məqsəd qoyub: “Çay bitkisi əkiləndən 6 il sonra yığılır. 60 sot ərazidir. Bundan sonra 3 dəfə yığım aparacağam. Yığıma iki gündür başlamışıq”.
30 hektar çay əkini sahəsi olan astaralı fermer Beytulla Mirzəyevin dediyinə görə, əgər vaxtında qulluq olunsa, mövsümdə 4-5 dəfə çay yığmaq mümkündür.
Qeyd edək ki, ölkə üzrə çay sahələrinin 1 500 hektara yaxını cənub bölgəsinin payına düşür.
