2022-ci ilin ilk 4 ayı ərzində “Azəri-Çıraq-Günəşli” (AÇG) yatağından 4,6 milyard kubmetr, “Şahdəniz” yatağından isə 8,5 milyard kubmetr qaz hasil edilib. Bu da ötən ilin eyni dövrü ilə müqayisədə 14,4% çoxdur. Bu barədə 12 may tarixində Energetika Nazirliyinin rəsmi səhifəsində məlumat yayılıb.
Məlumata əsasən, hesabat dövründə AÇG-dən 7 milyon ton neft, “Şahdəniz”dən isə 1,5 milyon kondensat hasil edilib. SOCAR üzrə isə neft (kondensatla birlikdə) hasilatı 2,6 milyon ton təşkil edib.
Qeyd edək ki, AÇG və “Şahdəniz” yataqları istismara veriləndən 1 may 2022-ci il tarixinədək 589 milyon tondan çox neft (kondensatla birlikdə) və 361 milyard kubmetr təbii qaz hasil edilib.
