Azərbaycanın Qarabağda keçirdiyi antiterror əməliyyatları fonunda xarici işlər naziri Ceyhun Bayramov dünya ölkələrinin rəhbərləri ilə görüşüb. Bu barədə İnsanoid nazirliyin mətbuat xidmətinə istinadən bu gün, 21 sentyabr tarixində xəbər verir.
Ceyhun Bayramovun BMT Baş Assambleyasının 78-ci sessiyasında iştirak üçün ABŞ-a işgüzar səfəri çərçivəsində nazir bir çox dünya liderləri ilə görüşüb:
- İtaliyanın xarici işlər və beynəlxalq əməkdaşlıq naziri Antonio Tayani
- Türkiyənin xarici işlər naziri Hakan Fidan
- Avropa Şurasının (AŞ) Baş katibi Mariya Peyçinnoviç Buriç
- ABŞ dövlət katibinin Avropa və Avrasiya məsələləri üzrə köməkçisi vəzifələrini icra edən Yuri Kim
- Şimali Makedoniyanın xarici işlər naziri və ATƏT-in fəaliyyətdə olan sədri Buyar Osmani
- İsveçrə Konfederasiyasının federal xarici işlər naziri İqnasio Kassis
- ATƏT-in Baş katibi Helqa Şmid
- Latviya Respublikasının xarici işlər naziri Krişyanis Karins
- İslam Əməkdaşlıq Təşkilatının (İƏT) Baş katibi Hissein Brahim Taha
- İsrail Dövlətinin xarici işlər naziri Eli Kohen
- Lixtenşteynin xarici işlər, təhsil və idman naziri Dominik Hasler
- Səudiyyə Ərəbistanı Krallığının xarici işlər naziri Faysal bin Farhan Al Saud
- Finlandiyanın xarici və avropa işləri naziri Elina Valtonen
- Ərəb Liqasının baş katibi Əhməd Əbul Qeyt
- BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil.
Həmin görüşlərdə Ceyhun Bayramov Ermənistanın ərazilərimizin 30 illik işğalı, azad edilmiş ərazilərdə bərpa və quruculuq işlərinin aparılması istiqamətində atılan ardıcıl addımlar haqqında məlumatlandırılıb.
Nazir eyni zamanda tərəf müqabillərini regiondakı son vəziyyət və Azərbaycan tərəfindən başladılan lokal anti-terror əməliyyatı barəsində məlumatlandırıb və bu əməliyyatı şərtləndirən amilləri diqqətə çatdırıb.
