İyunun 15-dən şəhər sakinlərinin bağlara və çimərliklərə gediş-gəlişinin təmin edilməsi üçün avtobusların hərəkət sxemlərində dəyişikliklər ediləcək. Bu barədə Bakı Nəqliyyat Agentliyindən məlumat verilib.
- 101 nömrəli müntəzəm marşrutun hərəkət istiqaməti “Türkan” çimərliyinədək;
- 107 nömrəli müntəzəm marşrutun hərəkət istiqaməti “Buzovna” çimərliyinədək;
- 146 nömrəli müntəzəm marşrutun hərəkət istiqaməti “Şüvəlan” çimərliyinədək;
- 171 nömrəli müntəzəm marşrutun hərəkət istiqaməti “Sea Breeze” istirahət mərkəzinədək;
- 172 nömrəli müntəzəm marşrutun hərəkət istiqaməti “Bilgəh” bağlarınadək;
- 179 nömrəli müntəzəm marşrutun hərəkət istiqaməti “Pirşağı” çimərliyinədək;
- 180 nömrəli müntəzəm marşrutun hərəkət istiqaməti “Zirə” çimərliyinədək;
- 182 nömrəli müntəzəm marşrutun hərəkət istiqaməti “Mərdəkan” çimərliyinədək təşkil ediləcək.
Eyni zamanda, “Koroğlu”dan Mərdəkan çimərliyinədək (Şüvəlan – Buzovna yolu) ictimai nəqliyyatla birbaşa gedişin təmin edilməsi üçün M10 nömrəli marşrut xəttinin fəaliyyəti bərpa edilir. Gediş haqqı 0,50 AZN müəyyən edilib.
Çimərliklərin siyahısı və qiymətləri ilə buradan tanış olmaq olar.
[URIS id=53516]
