Tərtər məktəbinə hər hansı hücum olması ilə bağlı iddialar təsdiqini tapmayıb. Bu barədə Daxili İşlər Nazirliyi dekabrın 11-də məlumat yayıb.
Qeyd olunub ki, İkinci Qarabağ müharibəsi zamanı erməni hərbi birləşmələri evlərə və digər mülki obyektlərə raket və artilleriya zərbələri endiriblər. Bu atəşlər nəticəsində evləri zərər görmüş Şıxarx qəsəbə sakinləri həmin məktəbdə müvəqqəti yerləşiblər: “Ötən müddət ərzində yaşayış yerləri tam hazır olmayan bir neçə ailə hal-hazırda orada yaşayır”.
“Məktəbdə avadanlıqlara ziyan dəyməsi və dağınıqlığın yaranması isə nəzarətsizlik səbəbindən baş verib”, - deyə əlavə edilib.
Qeyd edək ki, dekabrın 10-da yayılan xəbərlərə görə, 10-15 gün əvvəl naməlum şəxslər tərəfindən məktəbə hücum edilib.
