Daşkəsən rayonunun mərkəzinə və Xoşbulaq, Çanaqçı, Alaxançallı, Almalı, Suqovuşan, Qabaqtəpə kəndlərinə iyunun 15-də saat 13:15 radələrində dolu yağıb. Bu haqda APA xəbər verib.
Doludan öncə rayonda leysan yağışı yağıb və çaylarda suyun səviyyəsi artıb.
Eyni zamanda, Gədəbəyə də yağışdan sonra sel gəlib.
Daha öncə də, iyunun 10-da saat 19:00 radələrində Daşkəsəndə qasırğalı küləklə müşahidə olunan leysan yağışları yağıb və sel gəlib. Nəticədə 4 körpü dağılıb, yol, elektrik, rabitə təsərrüfatlarına, fərdi avtomobillərə, əhalinin kənd təsərrüfatına ziyan dəyib. Həmçinin bir sıra kəndlərdə təhlükəli vəziyyət yaranıb.
