Bakıda bir nəfəri avtomobillə vuraraq öldürən şəxsə hökm oxunub. Bu barədə iyunun 1-də Report məlumat yayıb.
Vaqif Novruzov 6 il müddətinə azadlıqdan məhrum edilib.
Hadisə 2021-ci ilin noyabrında paytaxtın Sabunçu rayonunda baş verib. Belə ki, sabiq polis əməkdaşı Vaqif Novruzov “Toyota” markalı avtomobillə idarəetməni itirərək yolun kənarında dayanmış Daxili Qoşunların əsgəri Rövşən Alxasovu vurub. Sonuncu xəstəxanaya yerləşdirilsə də, onun həyatını xilas etmək mümkün olmayıb.
Sürücüyə Cinayət Məcəlləsinin “yol hərəkəti və nəqliyyat vasitələrinin istismarı qaydalarını pozma” maddəsilə ittiham irəli sürülüb.
